旺角潮樓
因好友回港一個月,少約其他家人朋友 , 雖然不用每天陪伴她 , 但也怕好友突然邀約 , 說也奇怪 , 已認識近20年, 畢業後見面少至一對手都數得完, 但感情深厚的程度遠比每天見面的同事為高, 所以說, 感情這回事, 沒有方程式 , 人夾人緣也.
有段時間沒有跟家人聯誼 , 待好友離港後 , 相約家人4月中飯聚 , 見到潮樓一圍12位用都不過HK$ 1088, 免加一茶芥,最好係可以訂座, 二話不說, 星期五決定去馬.
原本對這價錢沒有信心, 唔難食就算, 點知當晚超級有驚喜 , 未至人間美味, 至少可稱合格有餘, 連平時出外食飯永遠不對口味的爸爸 , 都直豎"姆指" . 一頓飯食了3個鐘, 在歡笑聲中結束 .
拼盤中的鵝片及五花肉最好食, 軟滑濃香, 其他都好入味, 比好多打冷店出色好多.
唔係講笑, 呢12隻鮑魚可能都值HK$500 .....有半個飯碗大, 炆得極其入味, 細咬有濃郁的鮑魚味, 好食到癲 !!! (當然係以咁嘅價錢黎計啦)
簡單的竹笙肉絲羹, 清清地, 沒有過多的味精 , 也不會食到一口糊, 加上竹笙脆口, 好味.
除了一圍內的雞外, 我們另外叫了2隻"一蚊雞" , 無錯, 真係一蚊, 係部長推介的, 可以任叫, 都OK好食嘅 .
(號外 : 當天7:30到達時見到門口排左百幾人等位, 好在我們有訂位. 據說大部份人會叫一人一隻雞(HK$1) + 一碗白飯 (HK$11) , 埋單一個人 HK$12 , 茶可以任飲, 抵到唔知想點........<<<當然要厚面皮啦, 我估我會有少少唔好意思>>>
呢味翠玉瓜炒得好好食, 但所謂象拔蚌就見唔到, 都估到......
最後嘅奶黃包同拌飯都好好食, PERFERT 呀 !! 我們叫左3個可樂 (HK$8/CAN) ,
埋單HK$1088+1+1+24 = HK$1114 , 無花無假
沒有留言:
張貼留言